2014-nji ýylyň 23-nji sentýabrynda Hormatly Prezidentimiziň taýsyz tagallalary we bimöçber aladalary netijesinde welaýatyň ýaşaýjylary üçin bilimleriň we medeniýetiň ojagy bolan Daşoguz welaýat kitaphanasy dünýä ülňülerine laýyk gelýän häzirki zaman tehniki enjamlar bilen abzallaşdyrylan, döwrebap ajaýyp binasy gurlup ulanylmaga berildi. Kitaphananyň täze binasynyň umumy tutýan meýdany 2 ga. Binanyň beýikligi 42,5 metr, ini 43 metr, gapdal uzynlygy 104 metr. Kitaphanada 1000000 neşir saklamak hem-de birbada 600 okyja hyzmat etmek üçin ähli mümkinçilikler döredilen, kitaphananyň ululy-kiçili 8 sany umumy okalga zallary bar. Kitaphanada elektron kitaplary okamak we elektron katalogyň üsti bilen gözleg amallaryny ýerine ýetirmek üçin hazirki zaman sensor enjamlary oturdylan.2017-nji ýyldan bäri kitaphanada elektron katalogy işleýär.Kitaphanada 20 orunlyk internet zaly, enjamlaşdyrylan 20 orunlyk kompyuter otagy, çagalar we 20 orunlyk oýun otagy, ýörite bölumleriň iş otaglary, golasty gazna üçin gaznahanalar göz öňünde tutulan.